Sabóor 65:2-12

²Éy Yàlla, yaa jagoo cant fa Siyoŋ, yaw lees di jëfeel ab dige.

³Yaw miy nangug ñaan, yaw la képp di wuysi.

⁴Samay ñaawtéef man na ma, waaye sunuy tooñ, yaa nu koy baal.

⁵Ndokklee koo tànn, woo ko, mu dale say ëtt, di xéewloo sa ngëneeli kër, ak sa sellngay dëkkuwaay.

⁶Defal nga nuy kéemaan, nangug ñaan ci njekk, yaw Yàlla, mi nuy wallu, di yaakaaru àddina wërngal këpp, ba ca géej gu sore ga.

⁷Yaa dëje tund yu mag yi doole, gañoo sa kàttan,

⁸di dalal riirum géej aki gannaxam, ak coowal xeet yi,

⁹ba waa cati àddina yéemoo say firnde, waa penkook sowu di sarxolle.

¹⁰Yaa dikke suuf am wal, nangul koo nangul. Dexu Yàllaa fees ndox, ngay may nit peppam, ni nga ko waajale suuf si,

¹¹di suuxat ngàbb mi, maasalee ko jal yi, sottiy waame, mu mokk, cax ma, nga barkeel.

¹²Yaay tëje mbeyum at mi say ngëneel, foo jaare, xéewal walangaan.