Sabóor 49:11-16

¹¹Xanaa gis ngeen ne xelu, dee; dof, dee; naataxuuna it faatu rekk, wacce keneen alalam.

¹²Sa bàmmeel di sa kër, ba fàww, di sa dëkkuwaay bu sax dàkk, boo tudde woon sa bopp ay suuf sax.

¹³Nit ak darajaam fanaanul, mook aw rab a yem, sànku rekk.

¹⁴Nii la ku wóolu boppam di mujje, mook ku ko topp, di safooy waxam. Selaw.

¹⁵Nara dee rekk niy xar, ndee wommat, yóbbu, njub fenk nib jant, ku jub moom leen, njaniiw mëdd seen jëmm, fu sore kërug daraja.

¹⁶Waaye Yàllaa may musal ci dooley njaniiw, jot sama bakkan, ba jël ma.