11Sama fit a ngi tëf-tëfi, doole ŋiis, gët giim.
12Xarit ak dëkkandoo di ma daw, mbokk dànd ma.
13Ñi may wuta rey a ngi may fiir, di ma jéema lor, di ma waxal musiba, yendu maa lalal pexe.
14Man, ma mel nib tëx, dégguma, mel ni luu, àdduwma,
15di saf ku dul dégg, bay layoo.
16Aji Sax ji, yaw laa yaakaar; Boroom bi, sama Yàlla, yaa may nangul.
17Ma ne, ngalla buñu ma ree, di damoo samab jéll.
18Maa ngii di waaja daanu, dëkke metit.
Sabóor 38
Sabóor 38:11-18