16Aji jub, as tuutam moo gën koomu ku bon.
17Ku bon kat, sa doole dëddu la; ku jub, Aji Sax ji wallu la.
18Ku maandu, Aji Sax ji yég la, sab cér sax.
19Bu mettee doo rus, te bésub xiif dangay regg.
20Ku bon sànku; noonub Aji Sax ji, taaru tool bu naat la, bu tàkkee, jeex tàkk.
21Ku bon leb, du fey; ku jub yéwén, di joxe.
22Aji Sax ji barkeel la, nga jagoo réew mi moos; mu alag la, nga dog.
23Aji Sax jeey sopp saw yoon, jiite say jéego.
24Soo tërëfee it, doo daanu. Aji Sax jee lay walloo loxoom.
Sabóor 37
Sabóor 37:16-24