Sabóor 32:1-9

¹Dib taalif, ñeel Daawuda. Ndokklee yaw mi ñu baal bàkkaar, jéggal la ag moy.

²Ndokklee yaw mi Aji Sax ji toppul ag tooñ, te amoo xelum njublaŋ it.

³Ba ma nee cell, damaa ràgg, dëkke naqar.

⁴Guddeek bëccëg sa loxo diis gann ci man. Sama doole ŋiis ni ndox mu jaas upp. Selaw.

⁵Ma xamal la ne moy naa, làqatuma la sama ñaawtéef. Ma ne: «Naa àgge Aji Sax ji sama bàkkaar.» Yaw nga baal ma peyug tooñ. Selaw.

⁶Nii, kuy aji gëm, na la ni ñaane, ba ñaan jotee. Mbënn mu baawaan, di wal sax, du ko laal fenn.

⁷Yaw laay làqoo, nga di ma aar ciw ay, may ma ñu ma yéew, di ko bége. Selaw.

⁸Nga ne ma: «Dama laa xelal, xamal la fi ngay jaar, digal la, di la xool.

⁹Buleen mel ni fas mbaa berkelle mi amul ag dégg, laab ak tarka di ko téye, mu doora yem fi seen wet.»