Sabóor 22:20-31

²⁰Waaye yaw, Aji Sax ji, bul sore; yaa may dooleel, gaawe ma.

²¹Xettlil sama bakkan ci saamar, ba sama benn bakkan bii mucc selli xaj!

²²Musal ma ci pàddum gaynde ak ndañum nagu àll. Yaa ma wallu woon!

²³Ma siiwali saw tur ci bokk yi, màggale la digg mbooloo mi.

²⁴Yeen ñi ragal Aji Sax ji, santleen ko. Yeen askanu Yanqóoba wépp, màggal-leen ko. Yeen bànni Israyil gépp, wormaal-leen ko.

²⁵Moom de sàgganewul boroom tiis, làqu ko kanamam, ba mu wootee, wuyu na ko.

²⁶Yaw laay sante ndaje mu mag, sottalal la samay dige, ñi la ragal seede.

²⁷Ku woyof a cay lekk ba doyal, kuy wut Aji Sax ji, sant ko. «Guddleena gudd fan!»

²⁸Àddina wërngal këpp ay fàttliku, walbatiku ci Aji Sax ji. Làngi xeet yépp sukkalsi ko.

²⁹Aji Sax jeey boroom nguur, moo yilif xeet yi.

³⁰Boroom barke xéewlu, sujjóotal ko, ku jëm pax it, te bakkanam di lang, di ko sukkal.

³¹Askan wu dikkagul dina jaamu Boroom bi, ñiy ñëw te juddooguñu dees na leen wax ay mbiram.