Sabóor 144:4-12

⁴Nit ni ngelaw, ay fanam di takkndeer, wéy.

⁵Aji Sax ji, firil asamaan, wàcc; laal tund yi, ñu saxar.

⁶Melaxal, falaxe noon yi; fittal, ñu fëlxoo,

⁷nga yóotoo ma fu kawe, xettli ma, wallu ma ci doxandéem yi def wali wal fi sama kaw,

⁸di fen, di giñ ay fen.

⁹Yàlla, naa la woyal woy wu yees, xalamal la xalamu fukki buum.

¹⁰Yaay may buur yi ndam, yaa musal sa jaam ba, Daawuda ci saamar bu aay.

¹¹Musal ma, xettli ma ci loxol doxandéem yiy fen, di giñ ay fen.

¹²Su boobaa sunu doom yu góor màgge ndaw, ni gàncax gu mat sëkk; sunuy janq jekk ni doji yett, yu ñu tabaxe kër buur.