11muy Siwon buurub Amoreen ña, ak Og buuru Basan, ak buuri Kanaan ñépp.
12Moo nangu seen réew, séddale, bànni Israyil ñiy ñoñam séddoo.
13Aji Sax ji, sa tur ba fàww; Aji Sax ji, sa woy a saxal maasoo maas.
14Aji Sax ji kay ay àtte ñoñam ñi, di ñeewante jaamam ñi.
15Tuuri yéefar yi, xaalis ak wurus, loxoo ko sàkk.
16Am gémmiñ te du wax, ami gët te du gis,
17ami nopp te du dégg, du sax noowal bakkan.
18Ñi sàkk yii tuur, yal nañu mel ni ñoom, ñook ñi leen wóolu ñépp.
19Éey waa kër Israyil, santleen Aji Sax ji! Éey waa kër Aaróona, santleen Aji Sax ji!
20Éey waa kër Lewi, santleen Aji Sax ji! Yeen ñi ragal Aji Sax ji, santleen Aji Sax ji!
21Nañuy sante Aji Sax ji Siyoŋ, moom mi dëkke Yerusalem. Màggal-leen Ki Sax!