SAAMUNƆ 7:7-16

⁷Ǹ tó gbɛ̃nↄ kakↄ̃anzi, ǹ kí bleńnɛ zaa musu.

⁸Dii, nɛɛ̀ yãkpaɛ kɛ kↄ̃n gbɛ̃nↄ. Dii, ǹ tó yã bↄmao nna ma yãzɛde lɛ́n, Luda Musude, ǹ yã kɛmɛ ma nↄ̀sɛpura lɛ́n.

⁹Luda, ḿbe ń maa, nɛɛ̀ nↄ̀sɛ kↄ̃n laasuuo kpokɛ. Ǹ gbɛ̃ zaaanↄ pãsĩkɛna mì dɛ, ǹ gbɛ̃ maaanↄ gba zɛkii.

¹⁰Luda Musuden ma sɛngbango ũ, è gbɛ̃ kɛ̀ aↄ̃ nↄ̀sɛ maaanↄ mì sí.

¹¹Luda è yãkpaɛ kɛ a zɛ́a, è tó yã gↄ̃ vɛ̃ɛḿma gurↄ píngi.

¹²Tó gbɛ̃ e a nↄ̀sɛ liɛro, Luda è a fɛ̃ɛda lɛ́ kɛ è a sá kú à kã.

¹³È a gↄ̃kɛbↄ kɛ̀ è gaa ińnɛnↄ kɛkɛ, è a kà tɛ́deenↄ kpá sála.

¹⁴Ǹ gwa, yã zaaa è nↄ̀ dↄ gbɛ̃n, ben è wahaa nↄ̀ sí à nɛ́ i ɛgɛɛ ũ.

¹⁵È wɛ̀ɛ yↄ̃ gbɛ̃nↄnɛ zã̀azã takutɛɛ ũ, ben è zu wɛ̀ɛ kɛ̀ à yↄ̃̀ pì guu.

¹⁶À àisi pãsĩ è wí à musu, à wɛ́ɛtãna gbɛ̃nↄa è wí à mìa.