SAAMUNƆ 59:5-15

⁵N Dii Luda Zĩ̀kpɛde, Isarailinↄ Luda, ǹ fɛɛ ǹ wɛ́ɛ tã borii mↄ̀nↄa ń píngi. Ǹton bↄnkpɛɛde zaaa mↄ̀nↄ wɛ̃nda gwaro.

⁶Aↄ̃è ɛara wà su uusiɛ dↄ, aↄ̃è likↄ̃aa zↄ̃ wɛ́tɛn, aↄ̃è hũ̀u kɛma lán gbɛ̃ɛnↄ bà.

⁷Ǹ gwa, aↄ̃ lóu e tↄ̃ↄ, fɛ̃ɛ kpá ń lɛ́n, aↄ̃è be gbɛ̃kee e ń maaro.

⁸Mpi sↄ̃ Dii, nɛɛ̀ ń yáa dↄ, nɛɛ̀ borii pìnↄ lalandi kɛ ń píngi.

⁹Luda ma gbãa, ma wɛ́ɛ dↄnzi, ḿbe ma aafia'ekii ũ.

¹⁰Luda é dↄmɛ aɛ a gbɛ̃kɛɛ guu, eé tó mà yↄ̃̀gↄ̃ kɛ ma zangurinↄa.

¹¹Dii wa sɛngbango, ǹton ń dɛdɛro, lɛ aↄ̃ yã tón sã ma gbɛ̃nↄnlo yãnzi. Ǹ tó aↄ̃ likↄ̃aa zↄ̃ ǹ ń sↄ̃ɛ kↄ̃n n gbãaao.

¹²Yã kɛ̀ è bↄ ń lɛ́n nɛ́ durun yãmɛ. Ǹ tó aↄ̃ wadakɛna ń kũ, zaakɛ aↄ̃è ɛgɛɛ to, aↄ̃è gbɛ̃ ká.

¹³Ǹ ń kaatɛ kↄ̃n pↄfɛ̃o, ǹ ń dúgu zↄ̃, aↄ̃tongↄ̃ kuu dↄro de aↄ̃gↄ̃ dↄ̃ ai zaa anduna lɛ́a kɛ̀ Ludaa e kí blee Yakubu boriinↄa.

¹⁴Aↄ̃è ɛara wà su uusiɛ dↄ, aↄ̃è likↄ̃aa zↄ̃ wɛ́tɛ guu, aↄ̃è hũ̀u kɛ lán gbɛ̃ɛnↄ bà.

¹⁵Aↄ̃è ligaliga wàgↄ̃ pↄ́blee wɛtɛɛ, tó aↄ̃ↄe kãro, aↄ̃è wii pɛ́.