11Dii wa sɛngbango, ǹton ń dɛdɛro, lɛ aↄ̃ yã tón sã ma gbɛ̃nↄnlo yãnzi. Ǹ tó aↄ̃ likↄ̃aa zↄ̃ ǹ ń sↄ̃ɛ kↄ̃n n gbãaao.
12Yã kɛ̀ è bↄ ń lɛ́n nɛ́ durun yãmɛ. Ǹ tó aↄ̃ wadakɛna ń kũ, zaakɛ aↄ̃è ɛgɛɛ to, aↄ̃è gbɛ̃ ká.
13Ǹ ń kaatɛ kↄ̃n pↄfɛ̃o, ǹ ń dúgu zↄ̃, aↄ̃tongↄ̃ kuu dↄro de aↄ̃gↄ̃ dↄ̃ ai zaa anduna lɛ́a kɛ̀ Ludaa e kí blee Yakubu boriinↄa.
14Aↄ̃è ɛara wà su uusiɛ dↄ, aↄ̃è likↄ̃aa zↄ̃ wɛ́tɛ guu, aↄ̃è hũ̀u kɛ lán gbɛ̃ɛnↄ bà.
15Aↄ̃è ligaliga wàgↄ̃ pↄ́blee wɛtɛɛ, tó aↄ̃ↄe kãro, aↄ̃è wii pɛ́.
16Mapi sↄ̃, mɛ́ lɛ̀ sí n gbãaa yã musu, mà guda kɛ kↄngↄ n gbɛ̃kɛ yãnzi, zaakɛ ḿbe ma aafia'ekii ũ, ḿbe ma utɛkii ũ nawɛ̃akɛgurↄ.