Text copied!
CopyCompare
Luda yã takada kↄ̃n Bokobaru yão - SAAMUNƆ - SAAMUNƆ 55

SAAMUNƆ 55:2-12

Help us?
Click on verse(s) to share them!
2Ǹ swã kpá ma yãzi ǹ wemala, ma laasuu ma likↄ̃a ma gↄ̃ bídi guu
3ma ibɛɛnↄ yã'ona yãnzi kↄ̃n gbɛ̃ zaaanↄ wɛ́ɛbiimanao, zaakɛ aↄ̃ↄe ĩa daama, aↄ̃ↄ ma kũna kↄ̃n pↄfɛ̃o.
4Swɛ̃̀ kɛ̃̀magu, ga vĩa gɛ̃̀magu.
5Vĩa ma kũ, mɛ́ɛ lugalugaa, ma ninii dà batan.
6Tó má dɛ̀bɛ vĩ lán pↄ̃tɛ̃ɛ bà, lɛ mɛ́ vĩa mà gá kámma bo,
7mɛ́ bàa lɛ́ mà gá zã̀azã, mɛ́ gá mà vɛ̃ɛ gbáan.
8Mɛ́ wã mà gá mà utɛkii wɛtɛ, lɛ zàga'ĩa gbãaa tón ma lero yãnzi.
9Ǹ ń yã gboro, Dii, ǹ ń yã yãkↄ̃tɛńnɛ, zaakɛ má è zↄka kↄ̃n swèeo kú wɛ́tɛ guu.
10Aↄ̃è kpáɛ kɛ bĩi musu fãantɛ̃ kↄ̃n gwãavĩo, yã zaa kↄ̃n yã gbãaao di wɛ́tɛ guu.
11Gbɛ̃dɛdɛyã bé à wɛ́tɛ pì pà, gbãamↄnnɛna kↄ̃n mↄnafikio è kɛ̃ à gãalɛro.
12Tó ma ibɛɛ bé èe ma sↄ̃sↄ̃ↄ yã, mɛ́ mɛna, tó ma zanguri bé à fɛ̀ɛmazi, mɛ́ utɛnɛ.

Read SAAMUNƆ 55SAAMUNƆ 55
Compare SAAMUNƆ 55:2-12SAAMUNƆ 55:2-12