SAAMUNƆ 50:1-14

¹Asafa lɛ̀. Dii Luda Gbãapingidee e yã oo, èe lɛ́ zuu anduna gbɛ̃nↄzi zaa ↄfãntɛ̃bↄɛ kpa ai à gɛ̃kii kpa.

²Luda gakui e bii Zayↄn, wɛ́tɛ kɛ̀ à maakɛɛ papana.

³Wa Ludaa e mↄↄ, eégↄ̃ yĩtɛnaro. Tɛ́ kɛ̀ è ń blee kú à aɛ, zàga'ĩa pãsĩ ligazi.

⁴Èe musudeenↄ kↄ̃n tↄↄtɛdeenↄ sisii lɛ à e à yãkpaɛ kɛ kↄ̃n a gbɛ̃nↄ.

⁵À bè: À ma yãmarinↄ kakↄ̃amɛ, gbɛ̃ kɛ̀ ma bà kúńyo sa'ona gãzĩnↄ.

⁶Ludan yãkpaɛkɛri ũ, musudeenↄ è à yãkɛna a zɛ́a kpàakpa kɛ.

⁷À ma, ma gbɛ̃nↄ, má yã vĩ mà oare, Isarailinↄ, mɛ́ a bↄbↄ a dàn, mámbe Luda a Luda ũ.

⁸Mɛ́ɛ kpãkɛ̃ɛazi a sa'ona yãnziro, ke sa'opↄ kɛ̀ eègↄ̃ kaa tɛ́n à tɛ́ kũ baa bↄrɛ.

⁹Má zùswaree kɛ̀ kú a kpàsan nii vĩro, ke blè kɛ̀ kú a kara guu,

¹⁰Zaakɛ nↄ̀bↄsɛ̃tɛnↄ nɛ́ ma pↄ́nↄmɛ kↄ̃n pↄ́kãde kpàsa kɛ̀ aↄ̃ↄ kú sĩ̀sĩ pariinↄ musuo.

¹¹Má kpii musu bãanↄ dↄ̃ píngi, sɛ̃̀tɛ pↄ́ ketenↄↄ kuu ma pↄ́ ũmɛ.

¹²Tó nↄaa e ma dɛɛ, mɛ́ oarero, zaakɛ má anduna vĩ kↄ̃n à pↄ́ kɛ̀ kunnↄ píngi.

¹³Mɛɛ̀ zùsware nↄ̀bↄ són yↄ́? Mɛɛ̀ blèkofĩi aru min yↄ́?

¹⁴À saa oma kɛ̃nnakↄ̃o pↄ́ ũ, à lù kɛ̀ á sɛ̀ ma Luda Musudea fĩa bo.