SAAMUNƆ 39:2-13

²Ma lɛ́ nakↄ̃a, ma yĩ kítikiti, mɛ́ɛ yãke oro, baa yã maaa se, ben ma yã'ↄ̃amma sↄ̀kpa à kàara.

³Ma swɛ̃̀ puusu bↄ̀ ma guu, kɛ̀ ma laasuu lɛ̀, ma swɛ̃̀ tɛ́ bↄ̀, ben ma lɛ́ bↄ̀ ma bè:

⁴Dii, ǹ tó màgↄ̃ ma wɛ̃̀ndigurↄ lɛ́ dↄ̃, kↄ̃n ma gurↄ pari zaka lɛ́o. Ǹ tó màgↄ̃ dↄ̃ lán ma wɛ̃̀ndi é gɛ̃ zɛ́la nà kãndo.

⁵N ma wɛ̃̀ndi lɛ́ yↄ̃̀ n ↄla zakan, ma kuuna dɛ wɛ́ɛ kↄ̃n yĩola n kiiaro. Baade píngi è gɛ̃ zɛ́la lán ĩa bàmɛ,

⁶gbɛ̃ntee tɛna ègↄ̃ dɛ lán ↄra bàmɛ. È bãabãa bo à auziki kakↄ̃a, mↄde à dↄ̃ tó dén eé gↄ̃nɛro.

⁷Tó lɛmɛ, bↄ́ tãmaan mɛ́gↄ̃ vĩi? Ḿbe ma wɛ́ɛ dↄnzi, Dii.

⁸Ǹ ma taarinↄ kɛ̃mɛ, ǹton tó yↄ̃nkↄↄnↄ ma faboro.

⁹Ma lɛ́ nakↄ̃ana, mɛ́ɛ ma lɛ́ wɛ̃kↄ̃aro, zaakɛ ḿbe n yã beee kɛ̀.

¹⁰Ǹton ma lɛ́ dↄro, ma gbãsĩ lɛ̀ n ↄkũ yãnzi.

¹¹Nɛɛ̀ gbɛ̃ toto nɛɛ̀ wɛ́ɛ tãa à durun yãnzi, nɛɛ̀ à auziki yaka lán blɛ́ bà. Baade píngi è gɛ̃ zɛ́la lán ĩa bàmɛ.

¹²Ǹ ma aduakɛna sí Dii, ǹ swã kpá ma wiipɛnazi. Ǹton ma ↄ́ↄdↄna kpá swãkotoro, zaakɛ n nibↄn ma ũ, má dɛ gbɛ̃ zĩ̀tↄ ũ lán ma dezinↄ bà.

¹³Ǹ uu goma lɛ ma pↄↄ e àgↄ̃ nna dↄ, ai màgↄ̃ gá anduna tó.