SAAMUNƆ 38:8-20

⁸Má gbãaa vĩro, ma mɛ̀ kɛ̀ búgubugu, mɛ́ɛ wii lɛɛ ma pↄyakana yãnzi.

⁹Dii, ń pↄ́ kɛ̀ má yezi dↄ̃ píngi, nɛɛ̀ ma m̀bna ma sãnsãn.

¹⁰Ma kù e vĩi gbì gbì, ma gbãaa yã̀a, ma uu e tɛ́ kɛɛ dↄro.

¹¹Ma gbɛ̃nnanↄ kↄ̃n ma gbɛ̃nↄ è gbɛ̃ɛmɛ, ma danɛnↄ è bàa lɛ́mɛ ma bↄ̀nↄ yãnzi.

¹²Gbɛ̃ kɛ̀ aↄ̃ↄ wɛtɛ wà ma dɛnↄ è bà kpákpamɛ, ma wɛdɛrinↄ è yã zaaa kpakↄ̃sↄ̃mazi, aↄ̃ègↄ̃ mↄnafikiyã wàari paa kↄ̃o gurↄ píngi.

¹³Ma gↄ̃ lán swãdoo bà, mɛɛ̀ yã maro, lán gbɛ̃ kɛ̀ à nɛ́nɛ nàɛ bà, mɛɛ̀ lɛ́ è wɛ̃kↄ̃aro.

¹⁴Má dɛ lán gbɛ̃ kɛ̀ è yã maroo bà, mɛɛ̀ weńlaro.

¹⁵Dii, ḿbe ma wɛ́ɛ dↄnzi, nɛ́ ma yã ma, Dii ma Luda.

¹⁶Ma bè, ǹton tó aↄ̃ yↄ̃̀gↄ̃ kɛmaro, ǹton tó aↄ̃ ĩa dã ma satana yãnziro.

¹⁷Ma ka lɛɛna, mɛɛ̀gↄ̃ kú yã'ↄ̃amma guumɛ.

¹⁸Mɛ́ ma yã zaaanↄ onnɛ sa, zaakɛ ma durun yãnzin ma pↄↄ yakanazi.

¹⁹Ma ibɛɛ pãsĩnↄↄ lɛ́ vĩro, gbɛ̃ kɛ̀ aↄ̃ zàmagu pãpãanↄↄ pari.

²⁰Aↄ̃è à maaa fĩa bomɛ kↄ̃n à zaaao, yã maaan má tɛ́zi, ben aↄ̃ íbɛtɛ kpàmao.