SAAMUNƆ 17:1-9

¹Dauda aduakɛna Dii, ǹ ma yãzɛdee ma, ǹ swã kpá ma wiipɛnazi, ǹ ma wɛ́ɛkɛna sí, zaakɛ mɛ́ɛ kɛɛ kↄ̃n mↄnafikioro.

²N kiian mɛ́ yã nnaa en, n wɛ́ɛ e yã kɛ̀ zɛ́ vĩi ee sãnsãn.

³N ma swɛ̃̀ gwà, n wɛ́ɛ tɛ́mazi gwãavĩ, n ma tàasi kɛ̀, nɛ́ɛ yãke emaro, zaakɛ ma zɛo kɛ̀ ma lɛ́ é ma kari kɛro.

⁴Mɛɛ̀ tɛ́ gbɛ̃ntee yãkɛnanↄziro, mɛɛ̀ gbɛ̃ pãsĩnↄ zɛ́kpaɛ sɛ́ro.

⁵Ma lili ò n zɛ́n súusu, mɛ́ɛ pã n yãnɛro.

⁶Mɛ́ɛ lɛ́ zuunzi, zaakɛ nɛ́ wemala. Luda, ǹ swã kpá ma aduakɛnazi.

⁷Ǹ n gbɛ̃kɛ bↄnsaɛ yã kɛmɛ, ǹ gbɛ̃ kɛ̀ aↄ̃ nànziinↄ bↄ ń ibɛɛnↄ ↄzĩ.

⁸Ǹ làakari dↄma lán n wɛ́ɛnɛ bà, ǹ ma sↄtↄ n ↄru.

⁹Ǹ ma sí gbɛ̃ zaaa kɛ̀ aↄ̃è ĩa damaanↄa, ma ibɛɛ kɛ̀ aↄ̃ↄ liganamazii pìnↄ.