SAAMUNƆ 145:5-20

⁵Aↄ̃é n maakɛ bíta gakuide yã o, mɛ́ n yãbↄnsaɛkɛnanↄ laasuu lɛ́.

⁶Aↄ̃é n yãkɛna naaside gbãa yã o, mɛ́ n bítakɛɛ tↄ̃kɛ̃ńnɛ.

⁷Aↄ̃é n maakɛ bíta baaru kpá, aↄ̃é guda kɛ n yãzɛdekɛnanↄ yãnzi.

⁸Dii sùu vĩ kↄ̃n wɛ̃ndaao, è pↄ fɛ̃ kpaaro, à gbɛ̃kɛɛ vĩ bíta.

⁹Dii è à maaa kɛ baade pínginɛ, è a pↄ́ kɛ̀ à kɛ̀nↄ wɛ̃nda gwa ń píngi.

¹⁰Pↄ́ kɛ̀ ń kɛ̀nↄ é n sáabu kpá ń píngi, n yãmarinↄ é n tↄ́ sɛ́ lezĩ, Dii.

¹¹Aↄ̃é n kpata gakui gari kɛ, aↄ̃é n iko gbãa yã o,

¹²lɛ gbɛ̃ píngi n yãbitakɛnanↄ dↄ̃ kↄ̃n n kpata maa gakuide yão.

¹³N kpata nɛ́ kpata yãanasaimɛ, nɛ́gↄ̃ dɛ kí ũ ai wa boriia. Dii náanɛ vĩ yã kɛ̀ à ò píngi musu, à sùu vĩ kↄ̃n pↄ́ kɛ̀ à kɛ̀nↄ ń píngi.

¹⁴Dii è gbɛ̃ kɛ̀ aↄ̃ↄe lɛɛɛnↄ kũ, è gbɛ̃ kɛ̀ nawɛ̃a tↄ̃̀ḿmanↄ fɛɛ.

¹⁵Pↄ́ píngi wɛ́ɛ dↄnzi, nɛɛ̀ pↄ́blee kpáḿma à gurↄↄa.

¹⁶Nɛɛ̀ ↄ porońnɛ pↄ́ mↄ́ḿma, nɛɛ̀ pↄ́ píngi pↄyezi bↄkↄ̃tɛnɛ.

¹⁷Dii yãkɛnanↄↄ maa píngi, à gbɛ̃kɛɛ vĩ a yã píngi kɛna guu.

¹⁸Dii kĩi kↄ̃n a sìsirinↄ ń píngi, gbɛ̃ kɛ̀ aↄ̃è à sísi kↄ̃n yãpuraaonↄ.

¹⁹È a vĩakɛrinↄ pↄyezi bↄkↄ̃tɛńnɛ, è ń wiipɛna ma à ń mì sí.

²⁰Dii è gbɛ̃ kɛ̀ aↄ̃ↄ yeaziinↄ dãkpa ń píngi, mↄde eé zaakɛrinↄ kaatɛ.