1Dauda lɛ̀. Dii, ǹ ma sí gbɛ̃ zaaanↄa, ǹ ma dãkpa gbɛ̃ pãsĩnↄ yãnzi.
2Aↄ̃è yã zaaa laasuu lɛ́ ń swɛ̃̀ guu, swèen aↄ̃ègↄ̃ wɛtɛɛ gurↄ píngi.
3Aↄ̃è ń lɛ́ kɛkɛ lán mlɛ̃̀ bà, aↄ̃ lɛ́gbɛ nɛ́ pitigoo sɛwɛɛmɛ.
4Dii, ǹton tó gbɛ̃ zaaanↄ ↄ namaro, ǹ ma sí gbɛ̃ pãsĩnↄa, aↄ̃è lɛ́ kpakↄ̃sↄ̃ lɛ wà ma pãɛ.
5Wadadeenↄ wɛ̀ɛ yↄ̃̀mɛ, aↄ̃ takutɛɛ kpàkpamɛ, aↄ̃ bà kpàmɛ zɛ́n.
6Dii, ma bènnɛ: Ma Ludan n ũ, ǹ swã kpá ma wɛ̃nda wiiizi, Dii.
7Dii Luda, ma mìsiri gbãaa, mmↄn kɛ̀ nɛɛ̀ ↄ kúmala zĩ̀lan,
8ǹton tó gbɛ̃ zaaanↄ ń pↄyezi zɛ́ ero, Dii, ǹton tó aↄ̃ lɛ́kpakↄ̃sↄ̃na kↄ̃ sɛ́ro.
9Gbɛ̃ kɛ̀ aↄ̃ↄ ligamaziinↄ, yã zaaa kɛ̀ aↄ̃ↄe ma kpákpaao wí ń musu.
SAAMUNƆ 140
SAAMUNƆ 140:1-9