SAAMUNƆ 139:6-22

⁶Dↄ̃na beee dɛmɛ dabuyã ũmɛ, à dɛmala, ma ↄ̃ndↄ̃ↄ e káaro.

⁷Mán mɛ́ gán mà kɛ̃ n Niniia? Mán mɛ́ bàa sí mà gán mà koranzii?

⁸Tó ma fɛɛ ma gaa musu, ń kú gwe! Tó ma daɛkii kɛ̀ gɛ̀wãan, ńyɛ gwa!

⁹Tó ma fɛɛ ma gaa ↄfãntɛ̃bↄɛ kpa, tó ma gaa vɛ̃ɛ ísia baa ↄfãntɛ̃gɛ̃kpɛn kpa,

¹⁰baa gwemɛ má na n ↄzĩ, nɛ́gↄ̃ ma kũna n ↄplaao.

¹¹Tó ma bè gusiaa damala, ke gupuraa kɛ̀ ligamazii li gwãavĩ ũ,

¹²guu ègↄ̃ siannɛro, gwãavĩ ègↄ̃ dɛnnɛ lán fãantɛ̃ bàmɛ, gupura kↄ̃n gusiaao ègↄ̃ sɛ̃nkpɛnnɛmɛ.

¹³Ḿbe n ma guu kɛ̀, n ma í kàsa ma da gbɛɛɛn.

¹⁴Ma sáabu kɛ̀ kɛ̀nnɛ ma kɛna naasi vĩ bensↄ̃ à yãbↄnsaɛ vĩ. N yãkɛnanↄ è bↄ ń saɛ, má dↄ̃ sãnsãn ma nↄ̀sɛn.

¹⁵Gurↄↄ kɛ̀ n ma í kàsa nɛ́'isↄ guu, ma wá kee utɛnannɛro. Kɛ̀ ma mɛ̀ e lii asii guu gwe,

¹⁶n wɛ́ɛ sì ma nɛ́gberelɛ. Lán n ma gurↄↄ dìɛ nà píngi, à lɛ́ kú n takadan zaalɛ à kee e naaro.

¹⁷Luda, n laasuu bɛ̀ɛ vĩmɛ maamaa, à lɛ́ vĩro fá!

¹⁸Tó má yezi mà naro, aↄ̃ↄ pari dɛ bùsu'ãatɛ̃la. tó ma vu, mɛɛ̀gↄ̃ kúnyo ai tia.

¹⁹Luda, tó nɛ́ gbɛ̃ zaaanↄ dɛdɛ dé? À gumala a gbɛ̃dɛrinↄ!

²⁰N ibɛɛnↄ è n yã o kↄ̃n nↄ̀sɛ zaaao, n tↄ́ bɛ̀ɛ vĩ n lɛ́nlo.

²¹Dii, mɛɛ̀ za gbɛ̃ kɛ̀ aↄ̃ zanguunↄnloo? Mɛɛ̀ gí gbɛ̃ kɛ̀ aↄ̃ fɛ̀ɛnzinↄ kãzi.

²²Má yãke vĩńnɛro, se zangu, mɛɛ̀ ń diɛ ma ibɛɛnↄ ũmɛ.