Text copied!
CopyCompare
Luda yã takada kↄ̃n Bokobaru yão - SAAMUNƆ - SAAMUNƆ 119

SAAMUNƆ 119:153-176

Help us?
Click on verse(s) to share them!
153Ǹ ma nawɛ̃akɛna gwa ǹ ma mì sí, zaakɛ n doka e sãmaguro.
154Ǹ zɛmao ǹ ma bo, ǹ ma wɛ̃̀ndi dãkpa lán n à lɛ́ gbɛ̃̀ nà.
155N mìsina zã̀ kↄ̃n zaakɛrinↄ, zaakɛ aↄ̃è n yãdannɛnanↄ wɛtɛro.
156N wɛ̃ndaa bíta, Dii, ǹ ma wɛ̃̀ndi dãkpa lán n yãzɛdekɛɛ dɛ nà.
157Ma ibɛɛ kɛ̀ aↄ̃è wɛ́ɛ tãmaanↄↄ pari, mↄde mɛ́ɛ zã n yãnↄaro.
158Má ye n náanɛsaideenↄ kãziro, kɛ̀ aↄ̃ↄ n yã kũnaro yãnzi.
159Ǹ gwa lán má ye n ↄdↄkiizi nà. Dii, ǹ ma wɛ̃̀ndi dãkpa n gbɛ̃kɛɛ yãnzi.
160N yã píngipingi nɛ́ yãpuraamɛ, n dokayãnↄↄ maa aↄ̃ↄ yãana vĩro.
161Gbãadeenↄ è wɛ́ɛ tãma pã, mↄde n yã vĩa è ma kũ.
162Mɛɛ̀ pↄnnaa kɛ kↄ̃n n lɛ́gbɛ̃nao, lán ma auziki bíta sɛ̀ɛ zĩ̀ guu bà.
163Ma za mↄnafikin, má ye à yãziro, n dokan má yezi.
164Mɛɛ̀gↄ̃ n táaki lɛɛ gurↄ do gɛ̃̀n swɛɛplaplaa kɛ̀ n dokayãnↄↄ maa yãnzi.
165Gbɛ̃ kɛ̀ aↄ̃ↄ ye n dokazinↄ aafia bíta, yãke è tó aↄ̃ furo.
166Ma wɛ́ɛ dↄzi ǹ ma mì sí, Dii, mɛɛ̀ tɛ́ n yãdiɛnanↄzi.
167Má n yãnↄ kũna, zaakɛ má yezi maamaa.
168Mɛɛ̀ n ↄdↄkii gwa mɛɛ̀ n yãnↄ ma, zaakɛ ma yãkɛna píngi kú n ↄzĩmɛ.
169Ǹ tó ma wiipɛna n kii le, Dii, ǹ ma gba làakari lán ń ò nà.
170Ǹ tó ma aduakɛna ká n kiia, ǹ ma mì sí lán n lɛ́ gbɛ̃̀ nà.
171N táakilɛna gↄ̃ da ma lɛ́n, zaakɛ nɛɛ̀ n yãdannɛnanↄ damɛ.
172Mɛ́ lɛ̀ sí n lɛ́gbɛ̃na musu, zaakɛ n yãdiɛnanↄↄ maa píngi.
173Ǹgↄ̃ kú soruo ǹ ↄ dↄmalɛ, zaakɛ ma zɛ kↄ̃n n ↄdↄkiio.
174Mɛ́ɛ à ni dɛɛ ǹ ma mì sí, Dii, n dokan ma pↄnnaa ũ.
175Ǹ tó màgↄ̃ kuu, mɛ́gↄ̃ n táaki lɛɛ, ǹ tó n dokayãnↄ gↄ̃ ma kũna.
176Ma kɛ̃ zɛ́a lán sãa kɛ̀ sã̀sã bà, ǹ mamↄma n zↄ̀bleri wɛtɛ, zaakɛ n yãdannɛnanↄↄ e sãmaguro.

Read SAAMUNƆ 119SAAMUNƆ 119
Compare SAAMUNƆ 119:153-176SAAMUNƆ 119:153-176