Sɑ̃ɑrun Woodɑ 5:1-7

¹Su tɛ̃ nɛɛ, goo u bɔ̃ruɑ mɑ u koo seedɑ di gɑ̃ɑ ni u wɑn sɔ̃, ɑdɑmɑ u ǹ geruɑ ye u wɑ, ǹ kun mɛ ye u yɛ̃. Sɑɑ ye sɔɔ, yɛ̃ro u torɑwɑ mi.

²Su tɛ̃ kpɑm nɛɛ, goo u gɑ̃ɑnu bɑbɑ ye yɑ disi mɔ u kun kɑ bɑɑru, ɑɑ, yɑɑ sɑbe te bɑ ku rɑ din gorɑ? Ǹ kun mɛ gbeeku yɑɑ ye bɑ ku rɑ din gorɑ? Ǹ kun mɛ yɑɑ ye yɑ rɑ kɑbirin gorɑ? Sɑɑ ye sɔɔ, yɛ̃ro u disi duurɑwɑ mi.

³Su mɑɑ tɛ̃ nɛɛ, goo ù n win winsim bɑbɑ wi u disi gɛɛ mɔ yi yi koo nùn tiɑ, n deemɑ u ǹ yɛ̃, mɑ u rɑ ye tubɑ, yɛ̃ro u torɑwɑ mi.

⁴Torɑru gɑru wee mɑɑ. Su tɛ̃ nɛɛ, goo u bɔ̃ruɑ u win winsim kɔ̃sɑ kuɑ ǹ kun mɛ u nùn geɑ kuɑ, u ǹ bwisikɑ, ù n deemɑ gɑri yi, gɑri giriyɑ u geruɑ, yɛ̃ro u torɑwɑ mi.

⁵Goo ù n torɑ nin gɑru kuɑ, u koo yen tuubɑ kowɑ.

⁶Adɑmɑ u sere torɑ ten suuru wɑ, u koo yɑ̃ɑ niru ǹ kun mɛ boo niu gowɑ u kɑ Yinni Gusunɔ yɑ̃kuru kuɑ. Yen biru yɑ̃ku kowo u koo nùn suuru kɑnɑbun wororu koosi, kpɑ u sere win torɑrun suuru wɑ.

⁷Goo ù kun kpɛ̃ u yɑ̃ɑ niru ǹ kun mɛ boo niu wɑ u kɑ torɑrun yɑ̃kuru ko, u koo kpĩ u kpɑrukonu yiru ǹ kun mɛ totobɛrɛnu yiru kɑsu. Gunɔ gen teuwɑ bɑ koo kɑ torɑrun yɑ̃kuru ko. Kpɑ bu mɑɑ kɑ teu geni yɑ̃ku dɔ̃ɔ mwɑɑrɑrugiru ko.