24Ù n kɑ boo ge nɑ, u koo win nɔmɑ sɔndiwɑ boo gen wɔllɔ kpɑ u gu sɑkɑ mi bɑ rɑ yɑ̃ku dɔ̃ɔ mwɑɑrɑruginun yɑɑ sɑke. Yɑ̃ku te, tɑ sɑ̃ɑwɑ torɑrun suurugiru.
25Yɑ̃ku kowo wi, u koo kɑ win niki biɑ yɛm mɛ dɛkɑwɑ kpɑ u mu yɛ̃kɑ yɑ̃ku yerun kɑ̃ɑnu sɔɔ. Yɛm mɛ mu tie, kpɑ u mu wisi yɑ̃ku yee ten temɔ.
26U koo yɑɑ yen gum kpuro suɑwɑ u dɔ̃ɔ doke nge mɛ bɑ rɑ siɑrɑbun yɑ̃kuru ko. Nge mɛyɑ yɑ̃ku kowo tɔnwero wi, u koo ko u kɑ wirugii win torɑrun suuru kɑnɑ. Sɑɑ ye sɔɔ, Gusunɔ u koo nùn tu suuru kuɑ.
27Tɔn diro goo ù n Gusunɔn woodɑ gɑɑ sɑrɑ u ǹ kɑ bɑɑru, u torɑwɑ mi.