Süleymanin Məsəlləri 6:23-30

²³Bu əmr çıraqdır, bu təlim nurdur, Tərbiyə üçün edilən məzəmmət həyat yoludur.

²⁴Bunlar səni pozğun qadından, Şirindilli yad arvaddan qoruyar.

²⁵Onun gözəlliyinə aşiq olma, Onun kirpiklərinin əsiri olma.

²⁶Fahişənin üzündən insan bir tikə çörəyə möhtac qalar, Kiminsə zinakar arvadı insanın qiymətli canını ovlar.

²⁷Bir kişi qoynuna od alanda Əyin-başı yanmazmı?

²⁸Köz üzərində gəzənin Ayaqları bişməzmi?

²⁹Qonşusunun arvadının yanına girənin də halı belədir, O qadına toxunan cəzasını çəkər.

³⁰Qarnını doydurmaq üçün ac oğru oğurlarsa, Kimsə onu qınamaz.