Süleymanin Məsəlləri 4:1-7

¹Ey oğullar, atanızın verdiyi tərbiyə qulağınızda qalsın, İdrakı dərk etmək üçün diqqətli olun.

²Çünki sizə yaxşı dərs verirəm, Təlimimi atmayın.

³Mən ata ocağında uşaq olanda, Anamın yeganə balası olanda

⁴Atam mənə təlim verərək dedi: «Qoy qəlbin sözümə möhkəm bağlansın, Əmrlərimə əməl et ki, ömrün uzun olsun.

⁵Hikmət qazan, idrak qazan, Sözlərimi unutma, sözümdən çıxma.

⁶Hikmətdən ayrılmasan, o səni qoruyar, Əgər onu sevsən, səni saxlayar.

⁷Hikmət hər şeydən üstündür, gərək onu qazanasan, İdraka sahib olmaq üçün var-yoxunu verəsən.