Süleymanin Məsəlləri 25:11-16

¹¹Yerində deyilən sözlər, Gümüş oymalar içində qızıl almalara bənzər.

¹²Sözəbaxan insana hikmətlinin məzəmməti Qızıl sırğa, qızıl bəzək kimidir.

¹³Biçin zamanı qar kimi sərinlik necədirsə, Etibarlı elçi də onu göndərən üçün belədir. O, ağasının ruhunu təzələyir.

¹⁴Kim ki vermədiyi bəxşişlərlə öyünür, Yağışsız buluda və küləyə bənzəyir.

¹⁵Səbirlə hökmdarı da inandırmaq olar, Şirin dil sümükləri belə, yumşaldar.

¹⁶Bal tapsan, lazımi qədər ye, Acgözlüklə yesən, qusarsan.