21Oğlum, Rəbdən və padşahdan qorx, Xəyanətkarlarla yoldaş olmaqdan çəkin.
22Onların bəlası qəfildən gəlir. Hər ikisinin verəcəyi cəzanı kim bilir?
23Bu sözləri də hikmətlilər deyib: Məhkəmədə tərəfkeşlik etmək yaxşı deyil.
24Pis insana «sən salehsən» deyəni xalqlar qınayar, Ümmətlər lənət yağdırar.
25Amma onu danlayanlar xeyir tapar, Başlarından bol bərəkət yağar.
26İnsana doğru cavab verən Sanki onun üzündən öpər.
Süleymanin Məsəlləri 24
Süleymanin Məsəlləri 24:21-26