19Kəmhövsələ insan cəriməyə düşər, Onu qurtarsan belə, yenə də davam edər.
20Nəsihətə qulaq as, tərbiyəni qəbul et, Bunun nəticəsində hikmətli olarsan.
21İnsanın qəlbində çox amalı var, Amma Rəbbin niyyəti həyata keçər.
22İnsan etibar arzular, Yoxsul adam fırıldaqçıdan yaxşıdır.
23Rəbb qorxusu insana həyat verər, Ona şər yaxınlaşmaz, tox yatar.
24Tənbəl əlini qabda olana batırar, Ağzına belə, aparmaz.
25Rişxəndçini döysən, cahil insan uzaqgörən olar, Dərrakəlini danlasan, biliyini artırar.