Süleymanin Məsəlləri 18:12-24

¹²Ürəyin təkəbbürü əcəldən əvvəl gələr, İtaətkarlıq şərəfdən əvvəl gələr.

¹³Eşitməzdən qabaq cavab vermək Səfehlik və rüsvayçılıqdır.

¹⁴Xəstənin ürəyi bütün ağrıları çəkər. Amma ürəyi sınıqdırsa, buna necə dözər?

¹⁵Dərrakəli ürək bilik qazanar, Hikmətlinin qulağı bilik axtarar.

¹⁶İnsanın hədiyyəsi ona yol açar, Böyük adamların hüzuruna aparar.

¹⁷İddiasını əvvəl deyən haqlı görünər, Amma əleyhdarı gəlib onu istintaq edər.

¹⁸Püşk atmaq davaları yatırar, Savaşanları bir-birindən ayırar.

¹⁹İncik qardaşın könlünü almaq qalalı şəhəri almaqdan daha çətindir, Belə davalar qapısı cəftəli qala kimidir.

²⁰İnsanın qarnı ağzının bəhəri ilə, Dilinin səmərəsi ilə doyar.

²¹Ölüm və həyat dilin əlindədir, Onu sevənlər barından yeyir.

²²Arvad alan uğur qazanar, Rəbbin razılığını alar.

²³Yoxsul rəhm istəyər, Zəngin isə sərt cavab verər.

²⁴Dost çoxaldan öz-özünü yıxar, Amma qardaşdan daha yaxın dost da var.