Süleymanin Məsəlləri 18:10-20

¹⁰Rəbbin adı qüvvətli bir qaladır, Saleh qaçıb ona pənah aparır.

¹¹Varlı üçün sərvəti ona qala şəhəridir, Öz gümanında özü üçün pənah hasarı tikir.

¹²Ürəyin təkəbbürü əcəldən əvvəl gələr, İtaətkarlıq şərəfdən əvvəl gələr.

¹³Eşitməzdən qabaq cavab vermək Səfehlik və rüsvayçılıqdır.

¹⁴Xəstənin ürəyi bütün ağrıları çəkər. Amma ürəyi sınıqdırsa, buna necə dözər?

¹⁵Dərrakəli ürək bilik qazanar, Hikmətlinin qulağı bilik axtarar.

¹⁶İnsanın hədiyyəsi ona yol açar, Böyük adamların hüzuruna aparar.

¹⁷İddiasını əvvəl deyən haqlı görünər, Amma əleyhdarı gəlib onu istintaq edər.

¹⁸Püşk atmaq davaları yatırar, Savaşanları bir-birindən ayırar.

¹⁹İncik qardaşın könlünü almaq qalalı şəhəri almaqdan daha çətindir, Belə davalar qapısı cəftəli qala kimidir.

²⁰İnsanın qarnı ağzının bəhəri ilə, Dilinin səmərəsi ilə doyar.