Sòm 91:4-12

⁴L'ap kouvri ou anba zèl li. Anyen p'ap rive ou kote ou kache a. L'ap toujou kenbe pawòl li: Se sa ki pwoteksyon ou, se sa ki defans ou.

⁵Ou pa bezwen pè bagay k'ap fè moun pè lannwit, ni kè ou pa bezwen kase pou malè ki ka rive ou lajounen.

⁶Ou pa bezwen pè move maladi k'ap tonbe sou moun nan mitan lannwit, ni epidemi k'ap touye moun gwo midi.

⁷Mil (01.000) moun te mèt tonbe sou bò gòch ou, dimil (010.000) sou bò dwat ou, anyen p'ap rive ou.

⁸W'ap rete konsa, w'ap gade, w'a wè jan y'ap bay mechan yo sa yo merite.

⁹Paske ou pran Seyè a pou defans ou, paske ou pran Bondye ki anwo nan syèl la pou pwoteksyon ou,

¹⁰okenn malè p'ap rive ou, okenn mechan p'ap ka pwoche bò kot kay ou.

¹¹Bondye ap pase zanj li yo lòd pou yo veye sou ou, pou yo pwoteje ou kote ou pase.

¹²Y'ap pote ou nan men yo. pou ou pa kase zòtèy pye ou sou okenn wòch.