Sòm 34:5-10

⁵(034:6) Lè nou vire je nou gade l', sa fè kè nou kontan. Nou p'ap janm wont.

⁶(034:7) Lè moun ki san sekou yo rele l', li reponn yo, li delivre yo anba tout tray.

⁷(034:8) Zanj Seyè a kanpe bò kote tout moun ki gen krentif pou li, pou pwoteje yo. Li delivre yo lè yo nan danje.

⁸(034:9) Goute, n'a wè jan Seyè a bon! Ala bon sa bon pou moun ki jwenn pwoteksyon anba zèl li!

⁹(034:10) Nou tout pèp Seyè a, se pou nou gen krentif pou li, paske moun ki gen krentif pou li p'ap janm manke anyen.

¹⁰(034:11) Moun rich konn manke manje, yo konn rete grangou. Men, moun k'ap chache fè volonte Seyè a p'ap manke anyen.