Sòm 25:16-20

¹⁶Seyè, vire je ou bò kote m'. Gen pitye pou mwen, paske mwen pou kont mwen, mwen san fòs.

¹⁷Pa kite m' ak kè sere sa a. Wete m' nan tray m'ap pase a.

¹⁸Gade nan ki mizè mwen ye! Gade jan m'ap soufri! Padonnen tout peche m' yo.

¹⁹Gade tout kantite lènmi mwen genyen! Gade jan yo rayi m', jan y'ap pousib mwen.

²⁰Pwoteje m' non! Delivre m' non! Piga ou fè m' wont, paske se bò kote ou m'ap chache pwoteksyon, se anba zèl ou mwen vin kache.