93Mwen p'ap janm bliye lòd ou bay yo paske se gremesi yo ou ban m' lavi ankò.
94Se moun ou mwen ye. Sove m' non! M'ap toujou swiv lòd ou yo.
95Yon bann mechan ap veye pou yo touye m'. Men mwen menm, m'ap veye pou m' mache dapre prensip ou yo.
96Mwen wè tou sa ki bon sou latè la pou yon ti tan. Men, kòmandman ou yo la pou tout tan.
97Ala renmen mwen renmen lalwa ou la! Se tout lajounen m'ap kalkile sou li.
98Kòmandman ou yo fè m' gen plis konprann pase lènmi m' yo. Kòmandman ou yo nan kè m' tout tan.
99Mwen gen plis konprann pase tout pwofesè m' yo, paske m'ap kalkile sou prensip ou yo.
100Mwen gen plis konprann pase granmoun cheve blan, paske mwen toujou swiv lòd ou yo.
Sòm 119
Sòm 119:93-100