RUUMIYA 11:13-21

¹³Hili aha/ ṯorkina um gwo mo um kun ’koki ta ’Kwani Yahuuda/ mo. Ma isi me’d jin taka/ amankaru ki she/ gom ’kwani kun ’koki ta ’Kwani Yahuuda/ mo tani miim pem mmomii to mo tani eḵkika/ mo be

¹⁴jin minu dhu gwasi ’Kwani Yahuuda/ mmoṯa’c bwa mo dhali ki mii gi wakan mo tani unin tiya takunu is ki me’d mo be.

¹⁵Dhali waḵki/ gwo waḵ buni ta ’pemen jin wanuwa wan ’ba/ mo mmoṯal isa ’de/ mo gom ’kwaniny’cesh mo tani mombu’th buni midi ta ’pemen wakata mo? Hili mondiki/e ’peni mowu ’te/ mo.

¹⁶Dhali waḵki/ ara gana’th ’peni maman to jin ta jin ṯwa/a/ jin c̱inu mo ta jin ḵogu mo tani wakan si’da/ min ma gabul piti ka ’duntula/ ta jin ’ḵogu mo. Dhali waḵka birman ta jin ḵogu mo tani wakan si’da/ abim piti mo be.

¹⁷Dhali hili waḵka bin tiya ḵwa/kunu mo tani dhali /e jin tana ale/ ’te/ ’pena seṯuun jin ’kaki is piti ’te/ ḵamkunu mo e embul buni mo tani mmonyaḵ pa ta ki cwa seṯuun ’te/ mo tani

¹⁸dhalku/ ki kar ’ba/ ki ca eya bi ’te/ mo. Dhali waḵki/ /e kar ’ba/ ki ca mo ’te/ tani kayi gwo e ki /e a’di idiki ṯela birman sho’k mo, hili abirman c̱aan jin ṯelki /e sho’k mo be.

¹⁹/E mini o gwo mo ki, abi ’ce’dkunu wakan jin miga/ ’taki ta ḵamkin ki a’di mo.

²⁰A’di ta gwoŋ ganayi. Uni ’ce’dkunu mo haali/ uni dar gi moŋgam gwo is mo. Hili /e nṯelki mo gi gamu gwo is sho’k mo ’te/. Wakan dhalku/ ’ba/ ki kar ki ca mo hili doshi ki jiŋ ko/ mo ma.

²¹Haali/ waḵki/ Arumgimis diki ṯor momiimiim piti ap̱o/ abiny cwa ka ’kup̱ ’de/ mo tani wakan si’da/ a’di midi diki ṯor a’di ki /e mo be.