Ruki 3:10-36

¹⁰Ioniva minti tumanta mini ruvaaqumavi vauka vira ireha tiha, Ike, vi uvara are tianara tenavu iriha nantie irarave?

¹¹Tuvaro viva vika tiva nimiro tiharo, Vaiinti vovano sioti taaraqanta vatairava kia vatainaravata vonku amiarire. Vaiinti vovano kara vatairava kia vatainaravata rairakera amiane, tiro.

¹²Minti tumanta takisi vare vau vaiintika namari varareka anuka vira ireha tiha, Maara ti variara vaiintio, tenavu vo, nantie irarave?

¹³tuvaro Ioniva vika tiva nimiro tiharo, Ne takisi varehama kamaanira uva irihama avuqavuqamake takisi varaate. Kia nenta irike qumina voqavata varaate, tiro.

¹⁴Ioniva minti tumanta iqoka vaiintinavu vira ireha tiha, Tenavu vo, nantie irarave? tuvaro Ioniva vika tiva nimiro tiharo, Kia oru vorara ari ruqutu kaarorave tiha monu timiane tiate. Kia qumina voraqaa uva ntuvake vataate. Ne aami kaiqa varehama nenta vare monura viraraqaima hove tiate, tiro.

¹⁵Ioniva minti ti vaumanta vaiinti nahenti mini ruvaaqumavi vauka Kotiva atitaaina vaiintira, Mesaiaara vira vekaiqiha vaukara ti, vika nai ireha nai ireha tiha, Maa vaiintivae Mesaiavano vaivo? ti.

¹⁶Vika minti ti vauvaro Ioniva iriro vika nái tiva nimiro tiharo, Te qumina namariqai ni nimi vauro. Noravano ti aataraariravama ti naantiara ani vaivo. Te qumina vaiintivano vaihara ti, te vira aiqu nonkutai naaquntara kia ho qantu amitararave. Ne namari varaantema kero, viva Kotira Maraqura ni nimiharo, nai iha itaainara voqaara viravata ni nimianarove.

¹⁷Viva nai havore kauquqi tota varero uiti raisi voqaara riruruma/ritatima kero, nora nai havoreqohairo vaqita varero vuru nai naavuqi vatero viraqaahairo qumina rapavata vaqita varero vuru kia qimpa vuaina iharaqi aqu kairaro ita vuanarove, tiro.

¹⁸Minti tivakero vaiinti nahenti vira uva iriate tiro, Ioniva vi uvaravata vo uva vo uvavata, vika tiva nimiharo Ihuva aniaina vakaakara koqe vakaakavata, vika tiva nimura.

¹⁹Herotiva Kariri vataqaa raqiki vauvaro Ioniva Herotira atiharo tiharo, Herotiva kia nai qata naata Heroti-Namarira varaataarave. Viva qora kaiqa viravata, airi qora kaiqa vokiravata varaivo, tiro.

²⁰Ioniva minti tuvaro Herotiva qora kaiqa voqavata vareharo Ionira karapuhiqama kora.

²¹Hoqarero Ioniva kia karapuhiqi vau entara, viva vaiinti nahenti namari nimiharo Ihuravata namari amura. Viva namari vira amuvaro Ihuva Kotira aare vauvaro naaruvavano qantuara vuvaro

²²Kotira Maraquravano mirura voqaara ata varero tuviro, tuvu Ihuraqaata utama vuvaro uvavano naaruvaihairo mintima tiro: Are ti Maaquma variarao. Ti muntukavano ariarama vaivo. Te ariara quahema vauro, tura.

²³Ihuva ihi 30navu varakero viraqaahairo nai kaiqa hoqarama kero varaqiro vumanta vaiinti nahenti virara Iohepira maaquve tura. Iohepiva Helira maaquvano vauvaro

²⁴Heliva Mataatira maaquvano vauvaro Mataativa Rivaira maaquvano vauvaro Rivaiva Melkira maaquvano vauvaro Melkiva Janaira maaquvano vauvaro Janaiva Iohepira maaquvano vauvaro

²⁵Iohepiva Matatiaasira maaquvano vauvaro Matatiaasiva Amosira maaquvano vauvaro Amosiva Nahumura maaquvano vauvaro Nahumuva Esilira maaquvano vauvaro Esiliva Nagaira maaquvano vauvaro

²⁶Nagaiva Maatira maaquvano vauvaro Maativa Matatiaasira maaquvano vauvaro Matatiaasiva Semenira maaquvano vauvaro Semeniva Josekira maaquvano vauvaro Josekiva Jodaara maaquvano vauvaro

²⁷Jodaava Joanaanira maaquvano vauvaro Joanaaniva Resaara maaquvano vauvaro Resaava Serubabelira maaquvano vauvaro Serubabeliva Seatielira maaquvano vauvaro Seatieliva Nerira maaquvano vauvaro

²⁸Neriva Melkira maaquvano vauvaro Melkiva Adira maaquvano vauvaro Adiva Kosaamura maaquvano vauvaro Kosaamuva Elamataamura maaquvano vauvaro Elamataamuva Erura maaquvano vauvaro

²⁹Eruva Iosuaara maaquvano vauvaro Iosuaava Eliesera maaquvano vauvaro Elieseva Iorimura maaquvano vauvaro Iorimuva Mataatira maaquvano vauvaro Mataativa Rivaira maaquvano vauvaro

³⁰Rivaiva Simeonira maaquvano vauvaro Simeoniva Iutaara maaquvano vauvaro Iutaava Iohepira maaquvano vauvaro Iohepiva Jonaamura maaquvano vauvaro Jonaamuva Eliakimira maaquvano vauvaro

³¹Eliakimiva Meleaara maaquvano vauvaro Meleaava Menaara maaquvano vauvaro Menaava Matataara maaquvano vauvaro Matataava Nataanira maaquvano vauvaro Nataaniva Devitira maaquvano vauvaro

³²Devitiva Iesira maaquvano vauvaro Iesiva Obetira maaquvano vauvaro Obetiva Boasira maaquvano vauvaro Boasiva Saramonira maaquvano vauvaro Saramoniva Nasonira maaquvano vauvaro

³³Nasoniva Aminadaapira maaquvano vauvaro Aminadaapiva Ataminira maaquvano vauvaro Ataminiva Aanira maaquvano vauvaro Aaniva Hesaronira maaquvano vauvaro Hesaroniva Peresira maaquvano vauvaro Peresiva Iutaara maaquvano vauvaro

³⁴Iutaava Iekopira maaquvano vauvaro Iekopiva Aisaakira maaquvano vauvaro Aisaakiva Eparahaamira maaquvano vauvaro Eparahaamiva Teraara maaquvano vauvaro Teraava Nahora maaquvano vauvaro

³⁵Nahova Serukira maaquvano vauvaro Serukiva Reura maaquvano vauvaro Reuva Pelekira maaquvano vauvaro Pelekiva Ebera maaquvano vauvaro Ebeva Selaara maaquvano vauvaro

³⁶Selaava Kainaanira maaquvano vauvaro Kainaaniva Apaksaatira maaquvano vauvaro Apaksaativa Semura maaquvano vauvaro Semuva Noaara maaquvano vauvaro Noaava Lamekira maaquvano vauvaro