Text copied!
CopyCompare
Kàddug Yàlla gi - Room - Room 3

Room 3:11-27

Help us?
Click on verse(s) to share them!
11Kenn xeluwul, kenn wutul Yàlla.
12Ñépp a lajj ba bokk yàqu yaxeet, Kenn deful lu baax, du kenn sax!
13Seenug boli di bàmmeel bu ne ŋàpp, seen làmmiñ di ràbb njublaŋ, seeni kàddu aay ni daŋaru ñàngóor.
14Seen gémmiñ, waxi móolu ak wextan la feese,
15seeni tànk bar ci yoonu tuur deretu jaambur,
16te fu ñu jaare yàqute la ak musiba.
17Yoonu jàmm, xamuñu ko,
18te ag ragal Yàlla jegewu leen.»
19Xam nanu nag ne lépp lu yoonu Musaa wax, ñi ci yoonu Musaa la ko wax, ngir aw lay jeex tàkk, ngir itam mu leer nàññ ne àddina sépp a sikk fi kanam Yàlla.
20Ndax kat deesul jox kenn àtteb ku jub fa kanam Yàlla ndax jëf ju mu def, ngir sàmm yoonu Musaa; solob yoon wi daal, mooy ci lees di ràññee bu baax luy bàkkaar.
21Waaye léegi Yàlla moo feeñal nu nit di ame fa kanamam, àtteb njubam gu ajuwul ci yoonu Musaa. Te yoonu Musaa, ak yonent yi seede nañu loolu.
22Googu njub fa kanam Yàlla nag, ci gëm Yeesu Almasi lees koy ame, te mboolem ñi ko gëm la ñeel, amul xejj ak seen.
23Ndax kat ñépp a bàkkaar, ba jotewuñu leeru Yàlla,
24te ci yiwu Yàlla wu àndul ak genn pey lees di joxe ñépp àtteb ñu jub, ndax njot gi sottee ci Almasi Yeesu.
25Moom la Yàlla tudd muy njot gu ngëm di maye, ci kaw deretam ji tuuru. Noonu la Yàlla firndeele ne njubteem mat na sëkk doonte tanqamlu woon na bàkkaari niti jamono ya woon,
26nde Yàlla ci biir ag jéllaleem la firndeel njubteem ci janti tey jii, ngir mu leer ne moo wéye njub, te képp ku gëm Yeesu, moo koy jox àtteb ku jub.
27Kon ana lees di bàkkoo? Dara! Ci lan lañu koy teg sax? Ci jëf ju yoon santaane? Mukk! Xanaa yoonu ngëm doŋŋ.

Read Room 3Room 3
Compare Room 3:11-27Room 3:11-27