ROMUDENƆ 4:1-20 - Luda yã takada kũ Bisã yão

ROMUDENƆ 4:1-20

Click on verse(s) to share them!

¹Ókↄ̃nↄ Yudanↄ, óni o deramɛ ó dizi káaku Ibrahĩ yã musuu?

²Tó Luda tò yã bò kãao nna yã kũ à kɛ̀ yãi, de à à ĩadãyã lè, ama adi fↄ̃ à dã̀ Luda arɛro.

³Deran ò ò nà Luda yãnn? Ò pì Ibrahĩ Luda náani kɛ̀, akũ Luda tò yã bò kãao nna a náani kũ à kɛ̀ yãi.

⁴Fĩnabona zĩkɛriinɛ bi gbɛ̃kɛkɛnnɛnaanlo, a ísimmamɛ.

⁵Bee tó gbɛ̃ tɛn yãke kɛro, tó àtɛn Luda kũ àdi tó yã bo kũ taaridenↄ nna náani kɛ, Luda ni tó yã bo kãao nna a náani kũ àtɛn kɛ yãi.

⁶Dauda gbɛ̃ kũ Luda tò yã bò kãao nna yãkekɛnaa sari arubarikalena yã ò à pì:

⁷Arubarikadenↄn gbɛ̃ kũ Luda pↄ́ kù ń taarinↄla à ń durunnanↄ kɛ̃̀ḿmanↄ ũ.

⁸Arubarikaden gbɛ̃ kũ Dikiri ni a durunna yã daro ũ.

⁹Arubarika bire bi gbɛ̃ kũ à tↄ̃̀ↄ zↄ̃̀ pↄ́mɛ ado yá, ke gyↄfↄrↄde pↄ́mɛ dↄ? Ò pì Luda tò yã bò kũ Ibrahĩo nna, kũ à a náani kɛ̀ yãi.

¹⁰Deran Ibrahĩ de gↄrↄ kũ Luda tò yã bò kãao nnaa? À tↄ̃̀zↄ̃na yá ke gyↄfↄrↄdemɛ? Adi tↄ̃̀ zↄ̃ro, gyↄfↄrↄdemɛ.

¹¹Akũ à tↄ̃̀ↄ zↄ̃̀ sèeda ũ, kũ Luda tò yã bò kãao nna a gyↄfↄrↄdekɛgↄrↄ yãi. Lɛn à de gyↄfↄrↄde kũ Luda tò yã bò kũńwo nnanↄ dizi ũ lɛ ń pínki ń ludanaanikɛna yãi.

¹²À de gbɛ̃ kũ ò tↄ̃̀ↄ zↄ̃̀nↄ dizi ũmɛ dↄ. Adi kɛ ń tↄ̃̀zↄ̃na yãinlo, kũ ò tɛ́ ó dizi Ibrahĩ gɛ̀sɛgbɛɛi yãimɛ kũ à Luda náani kɛ̀ a gyↄfↄrↄdekɛgↄrↄa.

¹³Luda lɛ́ sɛ̀ Ibrahĩnɛ kũ a burinↄ à pì, andunia ni gↄ̃ ń pↄ́ ũ. Adi kɛ a doka kũna yãinlo, kũ Luda tò yã bò kãao nna a náani kũ à kɛ̀ yãimɛ.

¹⁴Tó gbɛ̃ kũ ò doka kũnanↄ mɛ́ oni kí ble, akũ ludanaanikɛnaa àre vĩro, akũsↄ̃ Luda lɛ́sɛnaa kɛ̀ pãpã,

¹⁵zaakũ doka dì su kũ Luda pↄfɛ̃omɛ. Gu kũ doka kunlo, taari dìgↄ̃ kú gwero.

¹⁶A yãi pↄ́ kũ Luda a lɛ́ sɛ̀ lena bi a náanikɛna yãmɛ, de àgↄ̃ de a gbɛ̃kɛ yã ũ. Lɛ́sɛnaa pì sↄ̃ bi Ibrahĩ buri pìnↄ pↄ́mɛ ń pínki, adi kɛ gbɛ̃ kũ ò Musa doka kũna ńtɛ̃nɛnↄnlo, kũ gbɛ̃ kũ òtɛn Luda náani kɛ lán Ibrahĩ bànↄmɛ dↄ. Ibrahĩ bi ó pínki dizimɛ.

¹⁷À de ó dizi ũ Luda kĩnaa, lákũ ò kɛ̃̀ Luda yãn nà. Luda pì a a dìtɛ buri dasinↄ dizi ũ. Ibrahĩ Luda kũ àdi wɛ̃̀ndi kpá gɛ̀nↄa à tó pↄ́ kũ ò kun yãronↄ gↄ̃ kun náani kɛ̀.

¹⁸À Luda náani kɛ̀ à wɛ́ dↄ̀ pↄ́ kũ gbɛ̃ke wɛ́ dↄiroi, akũ à gↄ̃̀ buri dasinↄ dizi ũ lákũ Luda ònɛ nà à pì, lɛmɛ a burinↄ nigↄ̃ de lɛ.

¹⁹Ibrahĩ kà lán wɛ̃̀ basↄↄro taka bà. Bee tó à laasun lɛ̀ a gↄ̃gbɛ̃kɛbↄsaria kũ Sara nɛ́'isↄ tatanaao, a ludanaanikɛna dí busaro.

²⁰Adi sika kɛ lɛ́ kũ Luda sɛ̀nɛɛaro, adi gí Luda náani kɛiro, akũ à gbãna lè a ludanaanikɛnaaa à Luda tↄ́ bò,