ROMUDEENƆ 3:12-26

¹²Aↄ̃ sã̀sã ń píngi aↄ̃ gↄ̃̀ dↄ̀rↄ sai, yãmaakɛri kee kuuro, baa mɛ̀n do.

¹³Aↄ̃ kòto dɛ lán mira wɛ̃na bàmɛ, aↄ̃è lɛ́nnaa kásańnɛ, aↄ̃ lɛ́gbɛ nɛ́ pitigoo sɛwɛɛmɛ,

¹⁴yã ĩi kↄ̃n gbɛ̃kanao ń lɛ́ pà.

¹⁵Aↄ̃ↄ wãa kↄ̃n gbɛ̃dɛnao,

¹⁶aↄ̃è kisia kↄ̃n pↄsiaao kpáńzi,

¹⁷aↄ̃ↄ aafia zɛ́ dↄ̃ro,

¹⁸aↄ̃ wɛ́ɛ ègↄ̃ Luda wí vĩro.

¹⁹Wá dↄ̃ kɛ̀ Luda doka píngi dɛ gbɛ̃ kɛ̀ aↄ̃ↄ na doka pì ↄzĩnↄ pↄ́ ũmɛ, lɛ gbɛ̃ píngi lɛ́ gↄ̃ nakↄ̃ana, anduna gbɛ̃ píngi gↄ̃ taaridee ũ Luda kiia.

²⁰Zaakɛ gbɛ̃ke é bↄ maa Luda kiia doka pì kũna yãnziro. Luda doka bé è tó wà durun dↄ̃.

²¹Dian Luda è tó yã bↄńyo nna nà bↄ̀ gupuraaa sa, lán à yã kɛ̃na Musa doka kↄ̃n annabinↄ takadanↄ guu nà. Èe kɛ à doka kũna yãnlo.

²²Luda è tó yã bↄńyo nna Yesu Kirisi náanɛkɛna yãnzimɛ. Gbɛ̃ kɛ̀ èe à náanɛ kɛɛ píngi pↄ́mɛ. Gbɛ̃kee bↄna adoro,

²³zaakɛ baade píngi durun kɛ̀, aↄ̃ kɛ̃̀sã Luda gakuizi.

²⁴Luda è tó yã bↄńyo nna gbaa ũ a gbɛ̃kɛ yãnzi Kirisi Yesu kɛ̀ à ń bó gãzĩ.

²⁵Àpin Ludaa kpà durun agbaakpabↄ ũ gbɛ̃ kɛ̀ aↄ̃ↄe à aru náanɛ kɛɛnↄnɛ, lɛ à ↄdↄa baade pínginɛ kɛ̀ eè yã kɛ a zɛ́amɛ. À mɛna yã, èe durun ziinↄ yã daro,

²⁶ben à ↄ̀dↄańnɛ tia kɛ̀ eè yã kɛ a zɛ́a. Dian Luda è yã kɛ a zɛ́a nàn gwe, bensↄ̃ è tó yã bↄ kↄ̃n Yesu náanɛkɛrinↄo nna.