Rome vene 7:16-22

¹⁶Ye beika na ura de, mina regida vonisi, makai na yaku ago girasa yo nigida ago gira bi buni.

¹⁷Ye gua beika reida, bi na kaya de reida, idu mina bi vegu no na ideri amedo mini.

¹⁸Adina na na diba beika buni yokoi de nai ideri amedo—mina bi nai roaita di urari. Ini adina beika bi buni na ura regi reida, idu makai regi anua reida.

¹⁹Adina beika buni regi ura reida, mina bi de reida; idu vegu no ura de reida, mina bi toga reida.

²⁰Ye beika ura regi de reida, mina regida vonisi, gua bi diya na kaya yaku reida, idu bi vegu no nai ideri amedo, mina yaku redo.

²¹Mina resi mina ida veitao reyaka: vegu buni regi ura regidari, vegu no bi nasa amedo.

²²Adina nai uka ideri na bi Sei di ago gira rofu ada reida.