Romawa 3:16-24

¹⁶Tafarkinsu wahala ce da lalacewa.

¹⁷Wadannan mutane basu san hanyar salama ba.

¹⁸Babu tsoron Allah a idanunsu.”

¹⁹To mun san dai duk abin da shari'a tace, shari'a na magana ne da wadanda ke karkashinta, domin a rufe kowanne baki, domin dukan duniya ta bada amsa a gaban Allah.

²⁰Domin a gabansa babu wanda zai barata ta wurin ayukan shari'a. Domin ta wurin shari'a ne sanin zunubi yazo.

²¹Amma yanzu ba tare da shari'a ba an bayyana sanin adalcin Allah, wanda shari'a da annabawa suke shaidawa.

²²Wato, adalcin Allah ta wurin bangaskiya cikin Yesu Almasihu ga dukkan wadanda ke bada gaskiya. Domin babu bambanci:

²³Domin duk sun yi zunubi sun kuma kasa kaiwa ga darajar Allah,

²⁴Da alherinsa an baratar da mu ta wurin fansar dake cikin Yesu Almasihu.