Romans 3:6-20

⁶Te ila sengal! Bo hare ye wochog bo ye tayikof Deus, ila ngo be ifa sengal yal hatugulu kofer retalop?

⁷Iwe ngo hare ye wochog bo yai tema katos ye halehaloh falmay la yael Deus le ye katos, ila ngo meda fal mele rebe hagereyey loh chog le yebe wochog bo ngang semal choto hamolfid iyang?

⁸Meda mele site sor chog bo, “Siya foru meka ye tayikof bo yebe dohdoh meka ye momay mo iyang?” Yor tot yarmat le resa hapatpat tayikof irey le re sor bo ngang ispegil sor mele iye sengal. Ila ir rebe loh luwul hagerger la rebe faesul loh iyang.

⁹Ila ngo gich Jews, ye fel igegach tangir Gentiles? Yeb, te ila sengal! Isa moal kawraloh le Jews mo Gentiles ila panger ngo re mel luwul mala kkelel molfid.

¹⁰Babior we ye Santus ye sor bo, “Tor semal le ye fel,

¹¹iwe ngo tor semal le ye medaf hare ye hasrowu Deus.

¹²Panger yarmat ngo resa tagul tang Deus; panger ngo resa rol machey; tor semal le yema foru mekla ye momay, le semal mwo ngo tor.

¹³Mekla yewer ila ye wochog pey kowe ye sugegloh chog, le kachepar chog mele yema buyoy mo iyang, iwe ngo hapatpat kala chog yema lilimesloh yarmat le ye wochog poisonel parchoyoh mele yema buyoy mo iyang.

¹⁴Mekla yewer ila ye ssogol ssupah kowe ye kkel yal tayikof.

¹⁵Yema ttir yar hafohoyur mo yar lilimesloh yarmat.

¹⁶Te tugul lobole re loh iyang, ngo rema hattowas ngo re hafohoyur yarmat resa tahcherloh.

¹⁷Re ted gola mwo mala yalepal hopos,

¹⁸ngo re ted gola le rebe hasrowu Deus.”

¹⁹Igla ila siya gola le pangal meka ye mel lal Hatobtob we ngo yor fal ngalir rechokla rema dabey Hatobtob le. Bo hare yebe hapolaho pangal yach yarmat ma ffaordah chog fael wegdeg ka yach le ye tayikof, ila ngo Deus yebe hatugulu kofer retalop.

²⁰Bo ted yor le ye fel mo fael metael Deus le fael yal dabey mekla Hatobtob la ye sor; Hatobtob la ye far foru bo yarmat rebe gola le resa molfid.