ROMANOS 7:16-22

¹⁶Chaꞌ ná tsoꞌo ntiꞌ naꞌ loꞌo nduꞌni naꞌ chaꞌ cuxi biꞌ, biꞌ chaꞌ jlo tiꞌ naꞌ chaꞌ stuꞌba ntsuꞌu chaꞌ jnaꞌ loꞌo nu chaꞌ cusuꞌ biꞌ, masi ná ndaquiyaꞌ naꞌ jiꞌi̱.

¹⁷Biꞌ chaꞌ lacua, siꞌi ycuiꞌ naꞌ laca̱ nu nduꞌni chaꞌ cuxi biꞌ; masi nu chaꞌ cuxi nu laca loo neꞌ cresiya jnaꞌ, biꞌ laca nu ndatsaa ꞌna chaꞌ cuaꞌni naꞌ jiꞌi̱ liꞌ.

¹⁸Cua jlo tiꞌ naꞌ chaꞌ ná tsoꞌo laca chaꞌ nu ntsuꞌu neꞌ cresiya jnaꞌ, chaꞌ ñati̱ chalyuu ti laca naꞌ; masi ntiꞌ tsa naꞌ cuaꞌni naꞌ xcuiꞌ chaꞌ tsoꞌo nquichaꞌ, pana ná nchca jnaꞌ tsiyaꞌ ti.

¹⁹Ná nchca jnaꞌ cuaꞌni naꞌ chaꞌ tsoꞌo nu ntiꞌ naꞌ cuaꞌni; ñaꞌa̱ ti nduꞌni naꞌ chaꞌ cuxi, masi ngaꞌaa ntiꞌ naꞌ cuaꞌni naꞌ juaꞌa̱.

²⁰Ndiꞌya̱ ndyuꞌu chaꞌ lacua: loꞌo ndyuꞌni naꞌ sca chaꞌ nu ná tsoꞌo ntiꞌ naꞌ, siꞌi ycuiꞌ naꞌ nu nduꞌni chaꞌ cuxi biꞌ liꞌ; masi nu chaꞌ cuxi nu laca loo neꞌ cresiya jnaꞌ, biꞌ laca nu ndatsaa ꞌna chaꞌ ndyuꞌni naꞌ jiꞌi̱.

²¹Loꞌo liꞌ ndiꞌya̱ ndyaca chaꞌ ꞌna lacua: Masi ntiꞌ tsa naꞌ cuaꞌni naꞌ sca chaꞌ tsoꞌo nquichaꞌ, nchca cuayáꞌ tiꞌ naꞌ chaꞌ xcuiꞌ chaꞌ cuxi ntsuꞌu neꞌ cresiya jnaꞌ.

²²Tyucui tyiquee naꞌ ndiya tsa tiꞌ naꞌ cuaꞌni naꞌ lcaa cña nu ngulo ycuiꞌ Ndyosi jiꞌna nu ngua saꞌni;