17Bi chesezoe' binḻo len ḻježe'.
18Bi chesežebe' Diosen' len bi da' mal chesone'.
19Na' ṉezecho Diosen' beṉe' chio' beṉe' Israel ley c̱hen'. Da'nan' ṉe tocho bi chac ṉacho bibi xtoḻa'cho de, ḻe bi choncho can' žanṉa'. Nachen' Diosen' že' si'cho castigw c̱he xtoḻa'chon', con can' že' c̱he yogo' beṉac̱h, ḻe yogüe' bi chesone' can' ža ley c̱hen'.
20Bi ṉacho zoa beṉe' naque' beṉe' güen len Diosen' da' chone' yogo' da' ža leyna', ḻe notno chon ca'. Leyna' chlo'en chio' naccho beṉe' güen da' xiṉj.
21Na' ṉa'a Diosen' ba blo'e can' goncho cont gaccho beṉe' güen len ḻe', na' bich bi že' c̱he da' ca' ža leyna' cheyaḻa' goncho, san že' cheyaḻa' šejnilaže'cho Jesucriston' cont gaccho beṉe' güen len ḻe'. Doxen Xtiža' Diosen' dan' nyojen cani'te chzejni'in cheyaḻa' šejnilaže'cho Jesucriston' cont gaccho beṉe' güen. Na' toz can' chon Diosen' len yogo'ḻoḻ beṉac̱h.