Romanos 3:14-23

¹⁴Nu kwaan roo xaa nge xaa lo re myet nu nii xaa re wdizh nala lo re myet. Sal. 10:7

¹⁵Nu kwaan rop nii xaa nrexonn xaa, gut wechxinn xaa.

¹⁶Palpa nzha xaa nle xaa ndil re myet nu nted xaa re myet bid.

¹⁷Nu nanlabeyyt xaa naz kwaan nle zee kwi wen re xaa. Is. 59:7-8

¹⁸Nu tira nanzhebt xaa ne xaa Dios. Sal. 36:1

¹⁹Nela be, rese kwaan nii ley cheen Dios, leeya nii lo re xaa ngwii lo ley. Kwaanzee nik tub myet nyent mod né: “Nanet na cho kwaan nak jwalt”. Nel Dios naab kwent lo rese myet.

²⁰Nyent mod zo wen myet kwaan Dios nel ngwii xaa lo ley. Nel nebse non ley, zee luu, be nak tub xaa nzeb jwalt.

²¹Per nal mlu Dios nen xomod zo be nali lo xaa, nu nanakta nel ngozhaw be ley cheen Ches, nel leeka ley nzaa kwent xomod nzhaal zo be nali lo Dios nu noka re xaa yilo, xaa mzaa kwent kwaan nzhé Dios lo lee xaa, mzaa kwent xomod nzhaal zo be nali lo Dios.

²²Nu nali nzo be lo Dios nal, nel ngwii be lo Jesucrist. Nu kwent cheen xaa rese myet nzho mod zo nali lo Dios nel delant lo Dios lal nak re myet.

²³Rese myet mle jwalt nu tira nanalit nzo xaa lo Dios.