18Ímijachahivare ítuca eta mavarahaqueneanahi ema Viya. Énerichuvare eta vanairipi éhiruhi tímitucahehi eta enerejisirayare icha eta táuriqueneana.
19Tétavicavaipahivare eta ecunachiravahi taicha ímijachavaripa ecatuparaha eta ímitusiraya ena apavasanana apaesa náesenicahini ema Viya, náimatiyareva eta máechajiriruvana, náinajicayareva eta napecaturana, váipavare nanasimahi eta te timapicu. Ímijachahivare ímatiequeneha tamutu eta vanairipiana, ítamuturusirahi tamutu eta tayeheana yátupiqueneana.