Romanos 16:1-14

¹Wal̈ë shäng kjl̈ara ko Febe. E bi kjl̈ara, ga parkë shäng Cristo tjl̈õkwo kjragaga l̈öng Cencrea kjokyo l̈i kong.

²Rokër bomi kong ga e mär Tjl̈apga Jesús go kuzong ga wl̈okjrozĩ l̈öng wopjl̈úe. Woyde ga shäryëy bi pjeyoga uunkong kong eni. Nopga ara kjimte shäng ara, tja kjimtara ara bakoe. E kjĩshko ga l̇l̇ëye woyde l̈i twozĩ ba kong bakoe.

³«¿Yonde?» l̈ëmi Priscila, Aquila kong. Epga parkë l̈öng Cristo Jesús kong bor tjok.

⁴Zröraba ëy ëmdë ga tja kjimtara l̈ok ara. Tja wopjl̈ú ba tjok, gueniyo tjarö l̇l̇ëm, Cristo tjl̈õkwo kjragaga judío l̇l̇ëm wl̈eniyo l̈öng kës l̈i wopjl̈ú ba tjok bakoe.

⁵«¿Yonde?» l̈ëmi Cristo tjl̈õkwo kjragaga tön l̈öng ba ushko l̈i kong bakoe. «¿Yonde?» l̈ëmi bor kjl̈ara Epeneto kong. Asia kjokyoshko ga tjl̈õkwo kjraga bäm go l̈i e.

⁶«¿Yonde?» l̈ëmi María kong. E parkono ara bomi kong.

⁷«¿Yonde?» l̈ëmi Andrónico, Junias kong. Tjawa epenga döe. Epga öör l̈öng bor tjok kjërshko. Epga töno beno tjeng Cristo tjok bor bäm go, ga Sbö tjl̈õkwo roy l̈agaga Cristo ãska l̈i kong ga tjwl̈õ ara anmoyõ.

⁸«¿Yonde?» l̈ëmi Amplias kong. E mär Tjl̈apga Jesús go, ga woydër ara.

⁹«¿Yonde?» l̈ëmi Urbano kong. E parkë shäng Cristo kong bor tjok. «¿Yonde?» l̈ëmi bor kjl̈ara Estaquis kong bakoe.

¹⁰«¿Yonde?» l̈ëmi Apeles kong. L̇l̇ëbo weno ba kong owa ara Cristo kjĩshko ëmdë ga beno shäng mär ba go jl̈õkoyo. «¿Yonde?» l̈ëmi Aristóbulo pjeyoga kong.

¹¹«¿Yonde?» l̈ëmi Herodión kong. E judío, botoya dik. «¿Yonde?» l̈ëmi Narciso pjeyoga kong. Epga mär Tjl̈apga Jesús go jl̈õkoyo.

¹²«¿Yonde?» l̈ëmi Trifena, Trifosa kong. Wal̈ëga l̈i parkë ara Tjl̈apga Jesús kong. «¿Yonde?» l̈ëmi bor kjl̈ara Pérsida kong. Wal̈ë l̈i parkë ara Tjl̈apga Jesús kong.

¹³«¿Yonde?» l̈ëmi Rufo kong. E tjwl̈õ ara Cristo tjl̈õkwo kjragaga kong. «¿Yonde?» l̈ëmi ba mekë kong bakoe. E bor mekë wl̈eni.

¹⁴«¿Yonde?» l̈ëmi Asíncrito, Flegonte, Hermes, Patrobas, Hermas kong. «¿Yonde?» l̈ëmi bi pjeyoga l̈öng ba tjok l̈i kong bakoe.