26Jesucristore catʉ̃goʉsari majã Macedonia macããna, bairi Acaya yepa macããna cʉ̃ã na majũã na caboro dinerore neñoñupã. Jerusalén macããna Jesucristore catʉ̃goʉsarã cabopacarãrẽ na jogarã, tiere neñoñupã. Torecʉ, tie dinerore Jerusalẽpʉ na jeábojagʉ yʉ átiya mai.
27Na majũã na caboro tie dinerore neñoñupã. Bairo na caátaje ñujãñuña. Mai, cajʉ̃goyepʉre judío majã Jesucristore catʉ̃goʉsajʉ̃goricarã cʉ̃ yaye macããjẽ caroa quetire na quetibʉjʉ batojʉ̃goyupa. Bairo caroaro na na caátaje ãmeoñe, na cʉ̃ã na cacʉ̃gorije ũnie mena na cajʉátinemopea niña.
28Bairo tie dinerore Jerusalén macããnarẽ na nuni yaparori bero, Españapʉ ácʉ́ mʉjããrẽ ñiñanetõágʉ.
29Bairi ñe ũnie rʉsaricaro mano atore bairo ñi tʉ̃goñatutuacõãña: Mʉjãã tʉpʉ yʉ caetaro marĩ nipetiropʉrea caroa majũrẽ marĩ jomajũcõãgʉmi Jesucristo.
Romanos 15
Romanos 15:26-29