Text copied!
CopyCompare
Xela wezria cube nen salmo caʼ - Romanos - Romanos 12

Romanos 12:6-21

Help us?
Click on verse(s) to share them!
6Dios nunne̱' dxi'u cha chee̱dxu ca da gaca gundxu ca da dxaca lazre̱' gunne̱' tu tudxu. Dxal-la' guchine xánnedxu ca da nunne̱' dxi'u. Che nunne̱' dxi'u chee̱ guchálajdxu waláz chee̱', dxal-la' gundxu na dute̱ xel-la dxeajlí lazre' da nápadxu.
7Che nunne̱' dxi'u chee̱ gundxu zrin chee̱ ljwézredxu, dxal-la' gundxu na cháwe'dau'. Che nunne̱' dxi'u chee̱ gusé̱dedxu bénneache, dxal-la' guse̱de xánnedxu le̱'.
8Che nunne̱' dxi'u chee̱ gutípadxu lazre' bénneache, dxal-la' gutipa xánnedxu lazre' le̱'. Che nunne̱' dxi'u chee̱ bi gunézrujdxu, dxal-la' gundxu na du lázredxu. Che nunne̱' dxi'u chee̱ nne̱ xuedxu, dxal-la' guxúe xánnedxu ca dxundxu na. Che nunne̱' dxi'u gácale̱dxu benne' xache' ca', dxal-la' gundxu na dute̱ xel-la dxebé chee̱dxu.
9Le zri'i ljwézrele du lázrele tule xetule. Le guzúa chalá'ala da cale̱la, ne le gun da xrlátaje.
10Dxal-la' zri'i ljwézrele tule xetule ca nazri'ile bi bíchequezle. Le gapa ba lá'ana ljwézrele, ne le güe lataj tule xetule.
11Le gun zi' lázrele, ne quebe gácale zrawe̱de, na' le gun zrin chee̱ Xránadxu dute̱ lázrdaule.
12Le sua xel-la dxebé lu da dxebeza lázrele. Le gaca dxexruj lazre' gate dxedele xel-la zi'. Le guchálajle̱teze Xránadxu.
13Le gunezruj da dxelexazrje benne' ca' zaj naque̱' bi chee̱ Dios. Le si' lu na'le du lázrele benne' ca' zá'aque̱' dxelenabe̱' le'e.
14Le naba da chawe' chee̱ benne' ca' zaj nau zi' xuzre̱' le'e. Le naba da xrlátaje chee̱', ne quebe nábale da cale̱la chee̱ benne' ca'.
15Le be nen benne' dxelebé, ne le xexache lazre' benne' ca' dxelebezre xache̱'.
16Le gaca tuze nen ljwézrele tule xetule. Quebe gucá'ana szren cuínale, san le gaca tuze nen benne' dxexruj lazre' ca'. Quebe guéquele ba nápale dute̱ xel-la sina.
17Quebe xebi'ile da cale̱la chee̱ benne' nune̱' chee̱le da cale̱la. Le gun ba xuzre gunle da xrlátaje lau xúgute̱ bénneache.
18Che naca chee̱le, le gun naga ze̱ lau séquele cueza zri lázrele nen xúgute̱ bénneache.
19Bi bícha'dau' nazri'ite̱ lazra', quebe xebéaj lázrele, san le güe lataj Dios xebéaj lazre̱', lawe' da naxúaj lu dizra' lá'azxa da dxenná na: Chia' neda' naca xebéaj lazra'. “Neda' xebi'a chee̱ bénneache,” dxenná Xránadxu.
20Cá'anqueze dxenná na: Che dxedún benne' dxecuídene̱' lue', bnezruj da gawe̱', na' che dxebílene̱', bnezruj da xí'aje̱', lawe' da gate dxunle caní, xedué'e bénnea'.
21Quebe gu'u lataj da cale̱la nna be'e na lue', san gunná be'e da cale̱la ne̱ chee̱ da xrlátaje da dxunu'.

Read Romanos 12Romanos 12
Compare Romanos 12:6-21Romanos 12:6-21