Romani 6:3-13

³Iyae Yesu Kerisonu ibiro babadaido uisike Dawaini iyanini demui orou ari sikike Dawaini iyaini feare ibinao uisi.

⁴I babadaido ukekama iya Yesubairo daaka uisiba ibake Yesuini iyaini demuiro ooru uke oisa. Eno uisaro nono Babae Godi Danu edorowere bunama Yesu Keriso fearekaroma ma uyari ibake i ari eno iyaini iini awoena me ibeka uburo ibifeisi.

⁵Iyae Dawabairo ma daaka urieba ibake Danu feareka ari enaenari uisiie Dawabairo daaka uisike Danu uyarike me ibinu i ari enaenari me ibifeisi.

⁶Iya iwoka iyanu adinaro merama imukanu ukeka sineka Dawaini demuiro korosiro ikokoma ure oisa. Enoba iyama iyanu imukanu arara ukeroma meramawere da ufeisi.

⁷Ainama fearakuie i meramawere ukekama dawa yawoke dakaku.

⁸Iya Dawaini demuiro feakiie Dawaini me ibifeisia eno imukaisi.

⁹Ibai iya iwoka sinaisi, Godima Yesu Keriso fearekaroma nono ma uyariba ibake Dawae nono da feafeku. I fearekama Dawa yawoke dakeifeku.

¹⁰Dawae i meramawere ukekabake nono nono da feafine ibake idua feariro me sini. Nono awoenae Dawa me ibaada Godinu arara ukenewaa ukaku.

¹¹Nanu ararae ya meramawere ukeka medifoke feareka ari sifoke nono Godinu arara ukeka ukenewaa ufoke ibifone ibake yae Yesu Kerisobairo daaka uke ibinisaie Godini demuiro ibaada Danu wirokeka orou sika enoya ibai eno uke imukenewaa uawe.

¹²Yanu ofe ubuma meramawere ufiane ukakua yanu imukekama yawoaweke i meramawere da uawe. I meramawere ukekama ya yawofiane ukakua ibai mediawe.

¹³Yanu ofe ubuma meramawere unao ufekua yanu ofe uburo eraerabusaini bunaini i yaisina i meramawere ukekabairo da odiaweke i yaisina Godibairo odiawe. Yae feakake nono awoena me ibinisaba ibake yanu ofe uburo eraerabusaini bunaini yaisina Godibairo odiaweke yanu ofe ubuma irauaiai mane ukeibiawe.