Roma 7:16-22

¹⁶Mete ma au tao tungga hata fo au ta nau tao sana, na au manaku, ae, Manetualain Hoholo-lalanen ndia, ndoos.

¹⁷De, au ta ndia heti au ao-ina heheling. Te manggalauk fo mana masoda nai au daleng dale ndia ana heti au!

¹⁸Au bubuluk so, ae, ta hambu dedeꞌa malole nai au daleng. Te au ia, hataholi dale manggalauk. Nau do ta nau, au ta bisa akaseti au aong fo tao ndoos. Au nau tao dedeꞌa ndoos. Au nau, tehuu ta dadik ndos!

¹⁹Te au ahiik tao malole, tehuu au ta tao sana. Ma au ta nau tao manggalauk, tehuu kada au taon!

²⁰Naa! Mete ma au tao tungga hata fo au ta nau taon, na ndia ta huu au mesang, tehuu manggalauk fo nasoda manai au daleng dale.

²¹Ndia natudun leoiak: mae au nau tao dedeꞌa malole, tehuu manggalauk manai au daleng ndia ana laban.

²²Naa te, au daleng namahoko nalan seli, mete ma au duduꞌa laꞌeneu Manetualain Hoholo-lalanen.